Alwida College...

Aarjuon-Tamannao ka mela laga karta tha yaha,

Ye jo kabargah hai wisal-ae-yar ki..

Ek Hasee se ji uthta hai har paththar,

Jab bhi milte hain jawa dil aur unka Muqaddar..

Fizul ki baato me wo gujate thahake,

Wo nadan ishq.. wo hasee ladakpan..

Wo seediyon ki gupshap, Wo kanteen ki mehfil..

Wo exam ki raate, Wo be sar pair ki baate..

Wo bachkane jhagde, wo boring se lecturae..

Wo claas me sona peeche dubak kar..

Wo kajoosi ke mukable, wo Be-sharmi ka aalam..

Chhotis si duniya ka itna bada gam...

Kisi se dosti kisi se akadkar,

Wo ciggerate thi yaro dawa se bhi badkar..

Dosti ka safar abhi thama nahi,

Hizra-ae-yar se dehal gaya dil, Maut se dara nahi..

Talabgar hain un chehro ke abtak,

Jihne sataye bagair tha chain nahi..

Kis kis se jhooth kahe ki, Shabe-firaq ka intjar nahi..

Jin baato pe itna gussa tha, Unhi par itni hasee kyo aati hai..

Gile-Shiqwe-Yaar-ae-Khalish bhi Yu fana kar jaati hai..

Rah dekhi thi jis manjil ki ab talak,

Dil bechain hai kyu itna kareeb pahuchkar..

Bade utawale the Aarju-ae-Manjil pane ko,

Ab zindgi hai aage shatranj khalne ko..

Waqt ki har tasweer ab dhundhli najar aati hai,

Asqo ki ye nami aksar bahut kuch keh jati hai...

Zin baato ko kabhi kaha nahi, Sadgi unki sadaye de jati hai..

Falak tak pahuch kar Jahid' , Bas yaad jamee ki aati hai..

Dushmano se dosti ho gai hai,

Kuch Palo se mohabbt si ho gyi hai..

Ye Sarfaroshi.. Ye Zindadili.. Ye Lafz..

bas saath rakhna..

Yaaro jaha bhi raho,

Yaado ke aks ka kabhi vyapar na karna... Ur Friend -

Zust_Zu hai Teri Tu Jaha hai..

Lagta hai kuch bahut jaruri saman piche chhod aaya hu..

Apni muskurahat ki lakire kahi bhul aaya hu..

Aas-pas chand chehre hain jinka mujhe khyal hai,

Raste ko dur tak tay karne ki iksha bhi tham si gayi hai..

Muskurahate jo mere karib hain,
Wo bhi anant tak dur najar aati hain..

Ab aakho ke kone me aansu chamkte hain..
Aankho ka wo gilapan mera naam likh jata hai..

Ab talaash hai sirf us mukam ke raste ki,
Jaha aakho ke har moti ki kimat pehchani jati hai..

Jo shayro aur kaviyo ki kalpna se bhi pare ho,
Wahi jise lafjo me bayan karna namumkin hai..

Kya hai aisa koi mandir jaha pathar nahi,
Mom ke dil puje jate hain,
wahi Manjil hai..
Wahi roshni hai..
Wahi hai Meri
Just Zu...

Aazmaish pe hain Sitare..

Aazma le.. Aazma le..
Aaj khud ko Aazma le,
Firta hai kab se ye dil sambhale..
Bol ye lab pe ruke hain,
Tere sazde me jhuke hain..
Pal pal bikhre hain kitne ujaale..
Aazma le.. Aazma le..
Kya karu kya sochta hai,
Chain Dil ka dhudhta hai,
Apni kismat ko jaga le..
Beech ka parda utha le..
Aazma le.. Aazma le..
Apne gum se khelta hai,
Dard kitne jhelta hai,
Sochta tu aur kuch hai,
Aur kuch tu bolta hai..
Apne Dil ko tu mana le,
Beech ka parda utha le..
Aazma le, Aazma le..
Kashmkash ko chhod de tu,
Rukh hawa ka mod de tu..
Khali paimana hai tera,
Ho sake to tod de tu..
Ek nayi mehfil saza le,
Beech ka parda utha le..
Aazma le.. Aazma le..

: Ye song zindgi ki haqikat ban gaya hai..
Aazma le...